Kontsumo Ministerioaren eta hari lotutako edo haren mendeko organismo publikoen funtzioei buruzko informazioa.
Kontsumo Ministerioa
Funtzioak
Kontsumo Ministerioa Estatuko Administrazio Orokorreko Saila da, eta hari dagokio Gobernuak kontsumoaren eta kontsumitzaileen babesaren arloan eta jokoaren arloan duen politika proposatzea eta gauzatzea.
- Kontsumo Ministerioaren eskumen-eremuko politika publikoen plangintza estrategikoa.
- Idazkaritza Nagusiaren eskumeneko arau-proiektuak urteko araugintza-planean sartzeko proposamena egitea, Idazkaritza Nagusiaren mendeko zuzendaritza nagusiek eskatuta, bai eta zuzendaritza nagusi horien eskumenak zuzendu eta koordinatzea eta haien helburuak eta jardun-planak proposatu eta formalizatzea ere.
- Lurraldeen arteko lankidetza instituzionala eta gaiaren arabera dagozkion nazioarteko eta Europar Batasuneko erakundeetan parte hartzea bultzatzea.
- Kontsumo eta Jokoaren Idazkaritza Nagusiko zuzendaritza organoen parte-hartzea koordinatzea, kontsumitzailea eta jokoa babesteko Europako araudia garatu eta aplikatzeko orduan.
- Kontsumoko Konferentzia Sektorialaren lanak, erabakiak eta deliberazioak babestea, Kontsumoko Batzorde Sektorialaren lehendakaritzaren bitartez.
- Informazioa, hezkuntza eta kontsumoaren sustapena eta ausazko joko arduratsu eta jasangarrietan parte hartzea bermatuko duten politikak eta jarduera-estrategiak koordinatzea.
- Kontsumo eta elikadura osasungarriko politika publikoak bultzatzea eta koordinatzea, Espainiako nekazaritzako elikagaien sektoreko kontsumitzaileei eta eragile ekonomikoei elikagaien segurtasuna eta kalitatezko informazioa bermatuz.
- Kontsumitzaileen eskubideak bermatu eta sustatzea, batez ere, egoera ahulean egon daitezkeenenak.
- Joko arduratsu eta informatuko politikak bultzatzea eta koordinatzea, osasun publikoaren eta zaurgarritasun-egoeran dauden pertsonen eskubideen bermeari arreta jarriz, Osasun Ministerioak eta Gizarte Eskubideetako eta 2030 Agendako Ministerioak arlo horretan dituzten eskumenei kalterik egin gabe.
- Kanpaina instituzionalak egitea, herritarren informazioa eta prestakuntza areagotzeko beren eskumeneko gaiei dagokienez.
- Ministro Kontseiluari, Gobernuaren batzorde delegatuei eta Estatu Idazkarien eta Estatu Idazkariordeen/Idazkariordeen Batzorde Nagusiari aurkezten zaizkien gaiak departamentuak izapidetzeari buruzko jarduketak zuzendu, bultzatu, koordinatu eta kudeatzea.
- Departamentuaren plan orokorrak prestatu eta koordinatzea, honako arlo hauetan: araudia, aurrekontu politika, langileria eta ordainsariak, ondarea, higiezinak eta azpiegiturak, informazioaren eta komunikazioen teknologiak, programazio ekonomikoa eta aurrekontuaren kontrola.
- Ministerioaren titularrari laguntzea Ministerioaren eta haren organismo publikoen efikazia eta jarduera kontrolatzen, bai eta Sailaren mendeko zerbitzu, organismo eta zentroak ikuskatzen ere, bereziki, langile, prozedura, araubide ekonomiko, instalazio eta horien zuzkidurei dagokienez.
- Ministerioko titularrari eta saileko gainerako zuzendaritza-organoetako titularrei laguntza, gainbegiratze eta aholkularitza juridikoa ematea, batez ere araugintzako ahala erabiliz eta administrazio-egintzak gauzatuz, bai eta haien argitalpenarekin lotutako kudeaketei dagokienez ere.
- Administrazio zerbitzuak kudeatzea, horien arrazionalizazioa eta informatizazioa, estatistika, administrazio informazioa eta agiriak, eta Saileko beste zuzendaritza organo batzuen eskumenekoak ez diren gaiak bideratzea.
- Ministerioaren urteko aurrekontuaren proposamena egitea eta atxikitako erakunde eta organismo publikoei dagozkienak koordinatzea, bai eta aurrekontuaren betearazpenaren jarraipena eta haren aldaketen izapideak egitea ere.
- Ministerioaren ekonomia- eta finantza-kudeaketa egitea eta exekutatzea, saileko beste zuzendaritza-organoei eta mendeko organismoei ez dagokienean; Sailak egiten dituen kontratuak aztertzea, prestatzea eta proposatzea, Ministerioko beste organo batzuei esleitutako eskumenak alde batera utzi gabe, bai eta Ministerioko kide anitzeko organoen kontratazio-arloko koordinazioa, laguntza eta babesa ere.
- Sailari eta haren organismoei lotutako ondasun material, higigarri eta higiezinen ondarea kudeatzea, bai eta ondasun horien inbentarioa mantentzea ere, eta errentamenduei, obrak gauzatzeari eta Ministerioari eta hari atxikitako organismoei atxikitako zerbitzuen eraikinak mantendu eta kontserbatzeari dagokien ondarea kudeatzea.
- Dirulaguntzak emateko espedienteak eta hitzarmen, enkargu eta bestelako egintza eta negozio juridikoak tramitatzea, baldin eta Departamentuak finantza-konpromisoak hartzea badakarte eta beste unitate eta organo batzuei esleitu ez bazaizkie.
- Saileko langileei kalte-ordaina emateko eskubidea duten zerbitzu-eginkizunak baimentzea, bai eta idazkariordetzaren titularraren mendeko goi-karguak betetzen dituzten pertsonei kopuru zehatzeko kalte-ordaina jasotzeko eskubidea duten zerbitzu-eginkizunak ere.
- Ministerioaren gaikuntza eta ordaintze-eginkizunak, non eta Ministerioko unitate edo organo jakin baten jarduketek ez duten eskatzen haietan kutxa ordaintzaile propio bat jartzea, bai eta Kutxa Ordaintzailearen Unitate Zentralari dagozkionak ere.
- Gastu publikoa murrizteko eta arrazionalizatzeko neurriak aplikatu eta haien jarraipena egitea, Sailean eta Sailari atxikitako erakundeetan baliabideak erabiltzeari buruzko jarraibide espezifikoen bitartez.
- Saileko eta bere erakundeetako giza baliabideak planifikatu, zuzendu, kudeatu eta administratzea; langile guztien burutza gorena; enplegu publikorako eskaintza proposatzea, eta langileak hautatu eta hornitzea; lanpostu-zerrendak prestatzea, ordainsariak kudeatzea eta sindikatuekin eta langileak ordezkatzen dituzten erakundeekin harremanak izatea.
- Langileak prestatzeko planak ezartzea eta gizarte ekintza eta laneko arriskuei aurrea hartzeko programak kudeatzea, sailaren eta berari atxikitako erakundeen eremuan.
- Departamentuko langileen hutsegite larri edo oso larriengatiko diziplina ahalmena erabiltzea, zerbitzutik kentzea izan ezik.
- Ministerioko eta Ministerioari lotutako organismo publiko eta entitateetako langileen bateragarritasun-espedienteak izapidetzea, administrazio publikoen zerbitzuko langileen bateraezintasunei buruzko araudia aplikatu behar zaienean.
- Sailaren mendeko edo sailari atxikitako organo eta organismoen zerbitzuak ikuskatzeko planak eta programak gauzatzea; zerbitzuen funtzionamendua ebaluatzea eta kalitatea hobetzeko proposamenak egitea, bai eta, zerbitzu-ikuskapenen berezko eskumenen izaeraren barruan, indarrean dagoen ordenamendu juridikoak esleitzen dien beste edozein eginkizun ere, uztailaren 1eko 799/2005 Errege Dekretuan aurreikusitakoaren arabera (799/2005 Errege Dekretua, ministerio-departamentuetako zerbitzuen ikuskaritza orokorrak arautzen dituena).
- Ministerioko Berdintasun Unitatearen berezko eginkizunak betetzea, Emakumeen eta Gizonen Berdintasun Eragingarrirako martxoaren 22ko 3/2007 Lege Organikoaren 77. artikuluan aurreikusitakoaren arabera eta Estatuko Administrazio Orokorraren berdintasunerako unitateak arautzen dituen apirilaren 12ko 259/2019 Errege Dekretuaren arabera.
- Sailaren eta haren erakundeen eskumeneko politika publikoen ebaluazioak koordinatzea, eta, hala badagokio, Ministerioaren titularrak zehazten dituen ebaluazioak egitea, Ministroen Kontseiluak politika publikoak ebaluatzeko onesten duen planaren arabera, Lurralde Politikako eta Funtzio Publikoko Ministerioko politika publikoak ebaluatzeko organo eskudunaren laguntzarekin.
- Sailaren eta haren erakundeen ekimenak babestea eta koordinatzea, gobernu irekiaren arloan, bai eta Sailaren zerbitzu zentralen Kexak eta Iradokizunak Kudeatzeko Unitatearen eginkizunak betetzea ere, Estatuaren Administrazio Orokorraren kalitatea hobetzeko esparru orokorra ezartzen duen uztailaren 29ko 951/2005 Errege Dekretuaren 14. artikuluan aurreikusitakoaren arabera.
- Administrazio-informazioko eta herritarrekiko harremanetako zerbitzuak zuzentzea eta koordinatzea, araudi erregulatzailean ezarritakoaren arabera, eta Administrazio Informazioko Sisteman jasotako informazioa mantentzea. Halaber, erregistro eta erreprografia gaietan laguntzeko bulegoak zuzendu eta koordinatzea.
- Saileko zuzendaritza zentroen eta bere erakundeen publizitate instituzionalari eta komunikazioari buruzko kanpainak koordinatzea.
- Informazio- eta komunikazio-teknologiei eta Ministerioaren eta haren erakundeen gainerako baliabide teknologikoei buruzko estrategiaren aplikazioa definitzea, zuzentzea, planifikatzea, koordinatzea eta gainbegiratzea, Estatuko Administrazio Orokorrak eraldaketa digitalerako hartutako jarraibideekin bat etorriz.
- Zerbitzuen funtzionamendurako eta politika publikoak ebaluatzeko eskura dauden datuak aztertu eta ustiatzeko behar diren informazio-sistemak aztertu eta garatzea, eta eraldaketa digitala eta berrikuntza sustatzea Sailean eta, hala badagokio, haren erakundeetan.
- Ahotsa eta datuak komunikatzeko sareak kudeatzea eta administratzea, segurtasun informatikoko neurriak ezartzea eta Ministerioak Interneten duen presentzia kudeatzea eta administratzea, Ministerioaren web-atariak, egoitza elektronikoa eta intraneta garatzea barne, bai eta Sailak sare sozialetan duen presentzia sustatzea ere.
- Datuak babesteko politika koordinatu eta gainbegiratzea, Departamentuaren eta bere erakundeen eskumenen esparruan arlo honetan aplikagarria den araudia betez. Bereziki, datuak babesteko ordezkariari dagozkion eskumenak gauzatuko ditu, zeinak aurreikusita baitaude Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduan Ministerioaren eremurako, alde batera utzita hari atxikitako organismoak, eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoan.
Araudia
495/2020 Errege Dekretua, apirilaren 28koa, Kontsumo Ministerioaren oinarrizko egitura organikoa garatzen duena eta Ministerioetako Departamentuen Oinarrizko Egitura Organikoa ezartzen duen urtarrilaren 28ko 139/2020 Errege Dekretua aldatzen duena. BOE 2020/05/01 (ondorengo aldaketak jasotzen dituen bertsio kontsolidatua).
- Ikusi Aplikatu beharreko araudia.
Egitura organikoa (organigrama)
- Ikusi Egitura organikoa.