Ogasuneko eta Funtzio Publikoko Ministerioa Estatuaren Administrazio Orokorreko saila da, eta Gobernuaren politika proposatzeaz eta egikaritzeaz arduratzen da ogasun publikoaren, aurrekontuen eta gastuen eta enpresa publikoen arloan.
Era berean, Ministerio honen eskumena da autonomia-erkidegoen eta toki-erakundeen finantzaketa-sistemak aplikatzea eta kudeatzea.
Gainera, Gobernuaren politika proposatzeaz eta betearazteaz arduratzen da, honako arlo hauetan: funtzio publikoa, enplegu publikoa eta enplegatu publikoen prestakuntza; Estatuaren Administrazio Orokorraren gobernantza eta antolaketa; prozedurak eta zerbitzuen ikuskaritza; gardentasuna eta gobernu irekia; kudeaketa publikoa eta zerbitzuen kalitatea hobetzeko programen garapena eta jarraipena; eta administrazio publikoen jarduera ekonomiko eta finantzarioari buruzko informazioa ematea.
Halaber, administrazio digitalaren politikaz arduratzen da, bai eta informazio- eta komunikazio-teknologiak arrazionalizatzeko prozesua koordinatzeaz ere, Estatuaren Administrazio Orokorraren eta haren organismo publikoen eremuan, eta administrazio elektronikoa bultzatzeaz, Informazio eta Komunikazio Sistemen Zerbitzu Erkidea partekatuz, bai eta haren funtzionamendurako behar diren xedapenak eta jarraibideak ezartzeaz ere.
