Produktuak eskuratzeko eta zerbitzuak emateko esparru-akordioetan oinarritutako kontratuei buruzko informazioa, kontratazio zentralizatukotzat jotakoak, 2014ko urtarrilaren 1etik aurrera egindakoak, Gardentasunari buruzko Legearen 8.1 a) artikuluan araututako eremuan.
---Informazio gehiago
| Datuen iturria | Kontratazioa Arrazionalizatzeko eta Zentralizatzeko Zuzendaritza Nagusia - Ogasuneko eta Funtzio Publikoko Ministerioa |
|---|---|
| Argitalpenaren aldizkakotasuna | Hilean behin |
| Ordenatzeko irizpidea | Esleipen data |
| Formatua | Html, xml, PDF formatuak |
Esparru-akordioa kontratazioa teknikoki arrazionalizatzeko modua da, eta esparru-akordio horretan oinarritutako kontratu guztietan komunak izango diren baldintza edo termino batzuk aurrez ezartzean datza. Sistema horri esker, kontratuen kudeaketa sinplifikatzen da, eta erraztu egiten da organismo edo erakundeen atxikimendua, bai eta autonomia-erkidegoena eta toki-erakundeena ere.
Esparru-akordio motak
Bi mota bereizten dira:
- Esparru-akordioan finkatutako termino edo baldintza guztiak ez dituztenak: kasu honetan, oinarritutako kontratu bakoitzerako, bigarren lizitazio bat egin behar da esparru-akordioaren esleipendunekin, eta, bertan, aurrez zehaztu gabe zeuden termino eta baldintzak zehaztu behar dira, Sektore Publikoko Kontratuen Legearen testu bateginaren 198.4 artikuluan ezarritako prozedurari jarraituz.
- Esparru-akordioan bertan ezarritako baldintza guztiak betetzen dituztenak: kasu honetan ez da beharrezkoa bigarren lizitaziorik egitea. Hala ere, esparru-akordio batzuetan, lizitazio berriak sustatzen dira aurreikusten denean inguruabar jakin batzuk direla-eta merkatu-baldintza hobeak lortuko direla; esate baterako, eskaera handien kasuan.
Esparru-akordio batean oinarritutako kontratua
Organo edo organismo batek esparru-akordio baten bidez egiten duen edozein produktu- edo zerbitzu-eskarik esparru-akordio horretan oinarritutako kontratu bat ezartzen du adjudikaziodunaren eta eskatzailearen artean.
Informazioa Atarian aurkeztea
Gardentasunaren ataritik, esparru-akordioetan oinarritutako kontratu guztietara sar daiteke. Sakatzean: “Erakutsi informazio guztia >”. Zerrenda bat lortzen da, adjutidazio-dataren arabera ordenatua, oinarritutako kontratu guztiekin, eta haietako bakoitzaren laburpen txiki bat, informazio honekin: esparru-akordioa, adjudikazioduna, zenbatekoa eta kontratazio-organoa.
