Joan edukira

Gobernu onaren printzipioak

Gobernu onaren printzipioen ikonoa

Hau egin dezakezu: Estatuko Administrazio Orokorraren Osotasun Sistema (SIAGE)

Data honetan eguneratua: 09/12/2025

Ministerioen, estatu-idazkaritzen eta goi-kargudun guztien titularrek, beren eginkizunak betetzean, Espainiako Konstituzioak eta gainerako ordenamendu juridikoak xedatutakoa beteko dute, eta oinarrizko eskubideen eta askatasun publikoen errespetua sustatuko dute.

  1. Gardentasunez jokatuko dute gai publikoak kudeatzean, eraginkortasun, ekonomia eta efizientzia printzipioekin bat etorriz eta interes orokorra asetzeko helburuarekin.
  2. Zerbitzu publikoaz arduratuz beteko dituzte beren eginkizunak, eta ez dute printzipio horien aurkako jokabiderik izango.
  3. Inpartzialtasun printzipioa errespetatuko dute, interes partikular ororekin zerikusirik ez duen irizpide independentea izan dezaten.
  4. Beren eginkizunak betetzean, berdintasunezko eta inolako diskriminaziorik gabeko tratua ziurtatuko dute.
  5. Behar adinako arretaz jokatuko dute beren betebeharrak betetzean, eta zerbitzu publikoen kalitatea sustatuko dute.
  6. Jokabide duina izango dute eta herritarrak arreta handiz tratatuko dituzte.
  7. Beren erabaki eta jardueren eta zuzentzen dituzten organismoen erabaki eta jardueren erantzukizuna hartuko dute beren gain, legez eska daitezkeen beste batzuen kalterik gabe.

  1. Dedikazio osoz eta bateraezintasunak eta interes-gatazkak arautzeko araudia erabat errespetatuz beteko dute beren jarduera.
  2. Beren eskumenak gauzatzean ezagutu dituzten egitate edo informazioei dagokienez, behar den diskrezioa gordeko dute.
  3. Arauz kanpoko jokabideren baten berri izanez gero, eskumena duten organoei jakinaraziko diete.
  4. Boterea zertarako eman zaien, horretarako baino ez dituzte gauzatuko indarrean dagoen araudiak esleitzen dizkien botereak, eta interes publikoa edo administrazioen ondarea arriskuan jar dezakeen ekintza oro saihestuko dute.
  5. Ez dute parte hartuko beren eginkizunekin bateraezinak diren egoera, jarduera edo interesetan, eta ez dute esku hartuko haien objektibotasunari eragin diezaiokeen kausaren bat gertatzen den gaietan.
  6. Ez dute beraientzat oparirik onartuko, baldin eta opariok ohiko erabilera edo erabilera soziala edo kortesiazkoa gainditzen badute, ez eta mesede edo zerbitzurik ere, beren eginkizunetarako baldintza onuragarriak ekar baditzakete. Garrantzi instituzional handiagoa duten oparien kasuan, dagokion administrazio publikoaren ondareari gehituko zaizkio.
  7. Gardentasunez beteko dituzte beren eginkizunak.
  8. Baliabide publikoak behar bezala kudeatu, babestu eta kontserbatuko dituzte, eta ezin izango dituzte erabili aplikatzekoa den araudiak onartzen ez dituen jardueretarako.
  9. Ez dute administrazioan duten posizioa erabiliko abantaila pertsonalak edo materialak lortzeko.