Lurralde Politikako eta Funtzio Publikoko Ministerioa Estatuaren Administrazio Orokorreko saila da, eta hari dagokio autonomia-erkidegoekiko eta toki-administrazioa osatzen duten erakundeekiko harremanen eta lankidetzaren arloko Gobernuaren politika proposatzea eta gauzatzea, bai eta Estatuaren lurralde-antolamenduari dagozkionak ere; halaber, Gobernuaren ordezkaritza eta ordezkariekiko harremanak eta haien kudeaketarako laguntza dagozkio.
Gainera, Gobernuaren politika proposatzeaz eta betearazteaz arduratzen da, honako arlo hauetan: funtzio publikoa, enplegu publikoa eta enplegatu publikoen prestakuntza; Estatuaren Administrazio Orokorraren gobernantza eta antolaketa; prozedurak eta zerbitzuen ikuskaritza; gardentasuna eta gobernu irekia; kudeaketa publikoa eta zerbitzuen kalitatea hobetzeko programen garapena eta jarraipena.
Halaber, Administrazio Digitalaren politikaz arduratzen da, bai eta informazio- eta komunikazio-teknologiak arrazionalizatzeko prozesua koordinatzeaz ere, Estatuaren Administrazio Orokorraren eta haren organismo publikoen eremuan, eta Administrazio elektronikoa bultzatzeaz, Informazio eta Komunikazio Sistemen Zerbitzu Erkidea partekatuz; era berean, haren jardunerako beharrezkoak diren xedapenak eta jarraibideak ezartzea ere badagokio.
