Este dereito o que pretende conseguir é que a cidadanía poida comprender a linguaxe utilizada tanto para a realización e publicación das normas como a información que aparece publicada en todos os sitios web de titularidade pública.A cidadanía ten o dereito de comprender o que se lles quere dicir. Se non entende o que se lle di non pode exercer os seus dereitos.

O artigo 5, no seu punto 4, da Lei 19/2013 establece que:

• A información suxeita ás obrigas de transparencia será publicada nas correspondentes sedes electrónicas ou páxinas web e dunha maneira clara, estruturada e entendible para os interesados e, preferiblemente, en formatos reutilizables.

Nesta páxina poderase acceder a unha información comprensible sobre distintos conceptos xenéricos como:

• O Goberno e a Administración
• Os altos cargos
• O persoal empregado público
• Etc.

Tamén se poderá localizar información concreta a través do noso mapa de contidos e o catálogo dos elementos de información de publicidade activa.

Convén falar de dous conceptos que hai que ter en conta:

• Linguaxe clara
• Lectura fácil.

Unha porcentaxe, de ao redor, un 70% da poboación ten problemas á hora de enfrontarse a textos administrativos ou xurídicos. E para iso está a linguaxe clara.

Linguaxe claro é linguaxe comprensible. Trátase de comunicar de forma clara, sinxela, directa, transparente e eficaz a información que é relevante para a cidadanía.

Consiste en facer simples e comprensibles os textos complexos para que se poida comprender sen dubidar o que se le ou o que se di. Se é claro é preciso.

Isto implica empregar oracións sinxelas:

• Suxeito máis verbo máis predicado.
• Evitar palabras complicadas ou expresións técnicas.
• Ser directo, dicir o que queremos sen adornar con verbos, adxectivos ou descricións innecesarias.

Lectura fácil es una forma de crear documentos que son más fáciles de entender. Es útil para todas las personas, pero, sobre todo, es útil para las personas con cualquier tipo de dificultades cognitivas.

O 30% da poboación ten dificultades lectoras ou de comprensión lectora e, por iso, necesita versións adaptadas a lectura fácil da información publicada para poder exercitar o seu dereito a entender.

Para facer a lectura fácil é importante seguir unhas normas e validar os documentos.

A definición oficial que establece a Norma UNE 153101:2018 EX:

Método que recolle un conxunto de pautas e recomendacións relativas á redacción de textos ao deseño e maquetación de documentos e á validación da comprensibilidade destes, destinado a facer accesible a información ás persoas con dificultades de comprensión lectora.

Seccións do Portal da Transparencia relacionadas co Dereito a Entender:

• Mapa de contidos
• Documentos en lectura fácil.