O Ministerio de Xustiza, cuxo titular é o Notario Maior do Reino, é o departamento da Administración Xeral do Estado ao que corresponde, dentro do ámbito das competencias que lle confiren as disposicións legais vixentes, a preparación e execución da política do Goberno para o desenvolvemento do ordenamento xurídico, especialmente en materia de dereito penal, civil, mercantil e procesual; garantir o dereito fundamental á liberdade relixiosa e de culto; a política de organización e apoio da Administración de Xustiza; os dereitos de graza e títulos nobiliarios e grandezas de España; a cooperación xurídica internacional; así como coas comunidades autónomas en coordinación cos demais departamentos competentes na materia e a asistencia xurídica do Estado.
O titular do departamento é a canle de comunicación do Goberno coa Administración de Xustiza, co Consello Xeral do Poder Xudicial e co Ministerio Fiscal, a través do Fiscal Xeral do Estado, así como cos órganos de goberno das comunidades autónomas nas materias da súa competencia.
Igualmente, corresponden ao Ministro de Xustiza as relacións coa Axencia Española de Protección de Datos e cos Consellos Xerais dos Colexios de Avogados, de Procuradores dos Tribunais e do Consello Xeral de Graduados Sociais de España.
