Participación pública en proxectos normativos
Espazo de participación pública en proxectos normativos, tanto para a consulta pública previa, como para o trámite de audiencia e información pública no proceso de elaboración de normas da Administración Xeral do Estado.
Esta participación está recollida no artigo 133 da Ley 39/2015, de 1 de octubre, del Procedimiento Administrativo Común de las Administraciones Públicas e no artigo 26 da Lei 50/1997, do 27 de novembro, do Goberno, así como na Orde PRE/1590/2016, do 3 de outubro, pola que se publica o Acordo do Consello de Ministros do 30 de setembro de 2016, polo que se ditan instrucións para habilitar a participación pública no proceso de elaboración normativa a través dos portais web dos departamentos ministeriais.
Consulta pública previa da Lei 19/2013 de Transparencia, Acceso á Información Pública e Bo Goberno (ata o 24 de febreiro)
Descargue a Guía de Participación Pública en Proxectos Normativos en lectura fácil
Modalidades de participación
Existen dúas modalidades de participación:
- Consulta pública previa. Ten por obxecto solicitar a opinión da cidadanía, as organizacións e as asociacións antes da elaboración dun proxecto normativo.
- Audiencia e información pública. Ten por obxecto solicitar a opinión dos cidadáns ou cidadás titulares de dereitos e intereses lexítimos afectados por un proxecto normativo xa redactado, directamente ou a través das organizacións ou asociacións que os representen, así como obter cantas achegas adicionais poidan realizar outras persoas ou entidades.