Estado de execución

Actualmente o CIS ten habilitados diferentes vías para facilitar o contacto da cidadanía co Organismo.

En primeiro lugar, é O Banco de Datos quen se encarga do servizo de atención ao público no que incumbe a consultas sobre os nosos estudos ou outros servizos que presta o noso departamento. Este servizo pódese dar de forma presencial, por teléfono e, preferentemente, por correo electrónico á caixa de correos bancodedatos@cis.es ou un máis xenérico como cis@cis.es

Doutra banda, a través do portal web do CIS existe a posibilidade de que os cidadáns e cidadás establezan contacto co CIS a través de formularios web, cos que poden contactar cos diferentes departamentos e solicitar información sobre aspectos talles como: Informes, libros, traballos en curso, docencia, tese, máster,medios de comunicación, proxectos, conferencias, relatorios, etc.

Na sede electrónica do CIS existe a posibilidade de rexistrar queixas e suxestións e formular pedimentos de preguntas sobre transparencia.

A través delas poden presentarse suxestións ou todo tipo de cuestións que as persoas consideren.

Froito das demandas formuladas desde a comunidade científica o Centro de Investigacións Sociolóxicas puxo en marcha o Observatorio Permanente sobre Exclusión social e Desigualdade (OPED) e o Observatorio sobre Tendencias no funcionamento do Estado Autonómico (OTEA). Ambos os observatorios estarán formados por persoas expertas multidisciplinares de recoñecido prestixio nas súas áreas de coñecemento.

O obxectivo destes dous observatorios é analizar as tendencias existentes na opinión pública sobre determinados aspectos da realidade sociolóxica española, como a exclusión social e a desigualdade, así como o funcionamento e a evolución do Estado Autonómico.

A partir dos traballos e propostas destes Observatorios, o CIS realizará enquisas monográficas periódicas para solicitar datos que poidan ser analizados dando lugar a eventuais publicacións e informes sustentados en series históricas de datos.

Púxose en marcha o Twitter do CIS ,co obxectivo de achegar a actividade do CIS á sociedade á vez que se establece unha nova vía de participación co CIS.