Estado de execución

Esta acción considérase cancelada, dado que aínda que se chegou a realizar un portal integrado, cuxa versión demo está en https://demo.scte.es/transparencia-e-goberno-aberto/ actualmente e debido a unha variación na estratexia xeral do SCTE está a redeseñarse a estrutura dos programas.

No marco das actividades financiadas cos fondos europeos está en curso a redefinición e implementación dunha nova plataforma técnológica. Ademais os programas van modificarse, desaparecendo a marca SICTED, se ben se mantivo como prioridade continuar co modelo de transparencia e goberno aberto.

Pór en marcha este portal integrando os programas e os seus usuarios non resulta operativo por esixir aos servizos turísticos un cambio que deberían volver realizar cando se poña en marcha o novo sistema, previsimente: “Sistema de Sustentabilidade Turística Integral”.