Acceder al contenido principal

Sección con el contenido principal

Goi-kargudunak. Gobernu onaren printzipioak

- 19/2013 Legea, abenduaren 9koa, gardentasunari, informazio publikoa eskuratzeko bideari eta gobernu onari buruzkoa.. (II. titulua).

- 3/2015 Legea, martxoaren 30ekoa, Estatuko Administrazio Orokorreko goi-karguan aritzea arautzen duena.

Ministerioetako titularrek, estatu-idazkaritzek eta goi-kargudun guztiek, beren eginkizunak betetzean, Espainiako Konstituzioan eta gainerako ordenamendu juridikoan xedatutakoa beteko dute, eta oinarrizko eskubideekiko eta askatasun publikoekiko errespetua sustatuko dute.

  1. Gardentasunez jardungo dute gai publikoen kudeaketan, eraginkortasun-, ekonomia- eta efizientzia-printzipioen arabera eta interes orokorra asetzeko helburuarekin.
  2. Zerbitzu publikoan arituz beteko dituzte beren eginkizunak, printzipio horien aurkako jokabiderik gabe.
  3. Inpartzialtasun-printzipioa errespetatuko dute, interes partikular ororekiko independentea eta arrotza den irizpidea izan dezaten.
  4. Beren eginkizunak betetzean tratu berdina eta inolako bereizkeriarik gabea bermatuko dute.
  5. Behar besteko arretaz jokatuko dute beren betebeharrak betetzean, eta kalitatea sustatuko dute zerbitzu publikoak ematean.
  6. Jokabide duina izango dute, eta herritarrak arreta handiz tratatuko dituzte.
  7. Beren gain hartuko dute beren erabaki eta jardueren eta zuzentzen dituzten organismoen erabaki eta jardueren erantzukizuna, hargatik eragotzi gabe legez eska daitezkeen beste batzuk.
  1. Dedikazio osoz eta bateraezintasunak eta interes-gatazkak arautzen dituen araudia erabat errespetatuz jardungo dute.
  2. Behar bezalako zuhurtzia gordeko dute beren eskumenak egikaritzean ezagutzen dituzten egitate edo informazioei dagokienez.
  3. Edozein jarduera irregularren berri izaten badute, organo eskudunei jakinaraziko diete.
  4. Indarrean dagoen araudiak ematen dizkien ahalak erabiliko dituzte eman zitzaizkien helburu esklusiboarekin, eta interes publikoa edo administrazioen ondarea arriskuan jar dezakeen ekintza oro saihestuko dute.
  5. Ez dira inplikatuko beren eginkizunekin bateraezinak diren egoera, jarduera edo interesetan, eta ez dute esku hartuko beren objektibotasunari eragin diezaiokeen kausaren bat dagoen gaietan.
  6. Ez dute berentzat oparirik onartuko, baldin eta opari horiek ohiko erabilerak, erabilera sozialak edo kortesiakoak gainditzen badituzte, eta ez dute onartuko abantaila-baldintzetan eskainitako zerbitzurik edo mesederik, baldin eta beren eginkizunak betetzea baldintzatu badezakete. Garrantzi instituzional handiagoa duten oparien kasuan, dagokion administrazio publikoaren ondarean sartuko dira.
  7. Gardentasunez beteko dituzte beren eginkizunak.
  8. Baliabide publikoak behar bezala kudeatu, babestu eta kontserbatuko dituzte, eta ezingo dira erabili aplikatzekoa den araudiak baimentzen ez dituen jardueretarako.
  9. Ez dute Administrazioan duten posizioa baliatuko abantaila pertsonalak edo materialak lortzeko.