Estado de execución

Para o seguimento das vantaxes obtidas pola cidadanía cóntase con varios  instrumentos no Portal de Transparencia e Goberno Aberto.

En primeiro lugar, o incremento de contidos e documentos publicados no Portal e sobre todo o incremento do número de visitas é un indicativo de que o Portal resulta operativo e útil para a cidadanía. A análise dos incrementos de visitas e publicacións realízase no informe anual sobre transparencia que se publica no propio Portal: https://transparencia.xunta.gal/transparencia-neste-portal

Pero, ademais, coa finalidade  de dar maior visibilidade á canle de suxestións do Portal de Transparencia e Goberno Aberto e fomentar o seu uso por parte da cidadanía, dispúxose unha ligazón á canle de suxestións de melloras do Portal no primeiro nivel de navegación, de forma que á cidadanía resúltalle máis fácil e accesible realizar propostas de mellora no Portal.

Finalmente, debe terse en conta que os distintos apartados do Portal contan cun control específico estruturado como unha enquisa anónima de satisfacción, na que a cidadanía non só pode achegar igualmente suxestións de mellora.