Estado de execución

A Xunta de Galicia aprobou o Plan Xeral de xestión e mellora da calidade dos servizos do sector público autonómico de Galicia 2021-2023.

No este plan, recóllese un eixo específico relativo á transparencia.

Sobre esta base, está a traballarse no deseño e planificación de melloras no Portal de Transparencia e Goberno Aberto, tanto a nivel de melloras tecnolóxicas, como de contidos e de formatos nos que se pon a disposición a información, cunha especial atención a servizos que faciliten a navegación.

Os avances en materia de apoio á navegación no Portal de Transparencia e Goberno Aberto da Xunta de Galicia poden activarse e consultarse na seguinte ligazón: https://transparencia--xunta--gal.insuit.net/portada

Coa finalidade de facilitar a navegación no Portal e conseguir que o acceso á información sexa plenamente inclusivo, está a traballarse en dúas liñas de acción que se materializarán a principios de 2024.

Por unha banda está moi avanzada a elaboración dun vídeo explicativo dos medios de participación cidadá a través do Portal de Transparencia e Goberno aberto.

Doutra banda, está a traballarse na adaptación á lectura fácil de dous documentos, un explicativo dos contidos e posibilidades existentes no Portal de Transparencia e Goberno aberto e outro relativo ás canles de participación cidadá no este Portal.