Estado de execución

A Xunta de Galicia aprobou o Plan Xeral de xestión e mellora da calidade dos servizos do sector público autonómico de Galicia 2021-2023.

No este plan, recóllese un eixo específico relativo á transparencia.

Sobre esta base, está a traballarse no deseño e planificación de melloras no Portal de Transparencia e Goberno Aberto, tanto a nivel de melloras tecnolóxicas, como de contidos e de formatos nos que se pon a disposición a información. Neste sentido habilitouse  un apartado de _blank Últimas novidades e melloras do Portal dentro do Portal de Transparencia e Goberno Aberto para que a cidadanía poida ter coñecemento das melloras implantadas no Portal. 

En concreto, no ano 2021 crearon 5 novas seccións no Portal de Transparencia e Goberno Aberto da Xunta de Galicia, de distintas tipoloxías, resaltándose as máis novas ou relevantes na seguinte ligazón:

https://transparencia.xunta.gal/ultimas-novidades/novidades-e-melloras-do-portal.

Ademais, no Portal de Transparencia e Goberno Aberto da Xunta de Galicia incorporáronse tamén as seguintes tipoloxías de contidos: 669 novos contidos,  596 novas ligazóns e 375 novos documentos.

Ademais, coa finalidade  de dar maior visibilidade á canle de suxestións do Portal de Transparencia e Goberno Aberto e fomentar o seu uso por parte da cidadanía, dispúxose unha ligazón á canle de suxestións de melloras do Portal no primeiro nivel de navegación.

No ano 2022 creáronse catro novas seccións no Portal de Transparencia e Goberno Aberto, seccións que se han ido destacando para coñecemento da cidadanía como últimas novidades e melloras do Portal.

A comezos do ano 2023 creouse unha nova sección no Portal de Transparencia e Gobienro aberto a través da cal se pode acceder ao Orzamento cidadán, que se configura como un instrumento de transparencia para achegar á cidadanía o orzamento da Comunidade autónoma cunha linguaxe clara, sinxelo e accesible, facilitando así a súa comprensión.